O, wie domm, es goht rum!
Ganshaut, Krächza, Huschta, Ächza,
Tropfafänger für den Zinka,
mit de Tempotücher winka,
literweis´ Erkältungstee,
´s tut oim oifach älles weh!
Koi gsonder Schlof me möglich,
mitmenschlich isch mr unverträglich.
D´ Lada ronter, d´Auga zua,
Mr will vor allem jetzt sei Ruah!
D´ Bettfläsch kommt, statt wie´s dr Brauch,
auf dr Bruschtkorb statt dem Bauch,
für d´ kalte Füass gibt´s warme Socka,
für dr Maga Haferflocka,
Vitamine, Kohl, Zitrone,
Pfefferminzla zom Belohna,
Salbei, gurgla, inhaliera,
dabei net den Mut verliera.
Bei ällem fühlt mr sich ganz domm.
S´goht rum.
)
