Der Küchenzettel

alles was zur allgemeinen Unterhaltung beiträgt
Benutzeravatar
H-babe
Beiträge: 3574
Registriert: 28.09.2007 9:44
Wohnort: Nürtingen

Der Küchenzettel

Beitragvon H-babe » 02.04.2012 15:42

Oine von de gröschte Sorga
Für a Hausfrau – obedingt,
ja de gröscht fascht, möchte´i saga,
doch der Kochzettel brengt.
Isch dr Ma gar no a Schlecker
( welcher wär´s net, liebe Zeit!)
B´sent sich d´Frau em Bett scho morgens:
„Oh, guater Ma, was koch i heut?“
Weil mir selber als des Liedle
Hia ond da en´s Ohra klengt,
woiß i au dia Sorga z´schätza,
dia dui Frog ans Haus oim brengt.
Drom denk i: Do hilfscht a bissle,
stellst en Kuchezettel her,
wenn ihr euch an den tut halta
no isch´s kocha nemme schwer!

Saure Kuttla, Leberspätzla,
descht fei guat, sell sag i laut.
G´standna Milch ond Fasnetsküachla,
Bachstoikäs ond Sauerkraut,
breite Nudle, Schweinebrotes,
Leit, was schmeckt doch des famos!

Baches Hirn ond Zwiabelkucha,
Blonza en ra Schodosoß
Saure Nierle, gröschte Spätzla,
Herrschaft - dös schmeckt delikat.
Biraschnitz ond Galganägel,
Schneckanudla ond Spinat.
Eigmacht Kalbfleisch ond Endive,
Erbsasupp ond Majonäs,
Bayrisch Kraut ond Zwetschgakucha,
Flädlessupp ond Leberkäs.
G´spickta Brot en ma Sößle,
Leit, do wär i au drbei,
Zwiebelsupp ond Pfannekucha,
Rehragout ond Kendlesbrei.
Rugelesbohna ond Kompott,
Luckeleskäs ond Ofaschlupfer,
Reis ond Ochsamaulsalat,
Hasabrota, g´füllte Kalbsbruscht,
oh, was ess i des so gern!
Ochsafleisch ond Weckaknöpfle,
Riebelessupp ond Zemetstern,
Kalbs – ond Rost – ond andre Brota,
des ischt a g´standne Hausmannskost,
Pfifferliong ond saure Gürkla
Ond a Gans, wenn´d Geld gnug hoscht.
So, des wärm ei Kuchazettel
Ond i hoff für älle Zeit,
braucht a Hausfgrau nemme froga:
„Saget mir, was koch i heit?
Schmeckt´s em Ma, no soll´s mi freia,
schempft er aber aufs Dinee,
saget ihm oms Himmels willa
ja net, dass i schuld dra be!“


8) Wer Lust hat darf es übersetzen 8)
Ich fahre gemütlich!!!
Heizen tue ich nur im Winter!!!

Zurück zu „lustiges, unterhaltsames und kurzweiliges“

Wer ist online?

Mitglieder in diesem Forum: 0 Mitglieder und 1 Gast