Das Gespräch der Guatsla

alles was zur allgemeinen Unterhaltung beiträgt
Benutzeravatar
H-babe
Beiträge: 3574
Registriert: 28.09.2007 9:44
Wohnort: Nürtingen

Das Gespräch der Guatsla

Beitragvon H-babe » 11.12.2012 12:09

Weil es dene Guatsla in der Dose so langweilig geworden ist, haben sie ein Gespräch begonnen und wer genau hinhört kann sie hören.
So a Vanillebredle hot gmoint
- I bee am schnellschta backa, mein Toig braucht mr bloß a weile rühra ond no Häufla drvoo uf a Blech setza, a Weila abtrockna lassa ond bei gelinder Hitz bacha -
Do meldet sich a Springerle ond moint
- du hosch jo gar koine richtige Fiaßla, guck mi aa, i han welche ond vor ällem mei Gsicht, des isch so schee, do miassat sich älle drhinter verstecka -
- Gib net so aa - , moint do a Husarakräpfle, - i bee ganz siaß ond han sogar a rauts Käpple uff, vor ällem bee i ganz mürb ond net so hart wia du -
Lautstark verteidigt sich uff oimol des Schokladbrot, ´s wär no viel mürber ond dät uff dr Zong verganga, mi könnat sogar Leit essa, wo koine Zäh meh hend.
So a Vanillekipferl hot no gmoint - wega mit stzreitet sich meischtens d´Kender, weil i so zuckrig bee, dees derfet ihr fei glauba-.
- Aber um mi streitet sie sich au - moint a Ausstecherle, weil i so viele scheene Forma han. -
No hot so a Zemtstern gsagt, - an mir hot mei Bäckere am meischta schaffa miassa - ond i bee au zuckersiass -
Jo, vielleicht hot bei dir Bäckere mitschaffa miassa, weil du so schee bisch, hot no dr Lebkucha gmoint, aber i verbroit an Weihnachta doch dr ällerbeschte Duft. -
- Vielleicht - moint no so a Kokosmakrönle, - aber mei Duft, der riacht nach dr graußa weita Welt - ond i bee weiß wia dr Schnee an Weihnachta. -
Do hot sich uff oimol so a kloins Freudatränle gmeldet ond gmoint:
- I schmeck ziemlich schokladich, mi ko mr uff oimol en dr Mund neischiba, des isch von Vorteil, no giabts koine Braisala.-
A Schwobabredle moint do drzua, - i bee so mürb, dass i uff dr Zong vergang, weil Bäckere so viel Butter in mi neido hot.-
Do druff moint so a vergoldets Maultäschle, - i bee des Edelschte, was es gibt, des kaa koiner abstreita, für mi hot Bäckere s´ meischte Geld ausgebba.-
An Florentiner, der des so älles von de andere aaghört hot, macht sich so seine Gedanken ond moint.
- Hoffentlich kommet glei Lait und essat oos, soscht dätet mr älle womeglich noo Streit mitnander aafange.-

Bild
Und dann kommen Menschen wie du und ich und lösen die Versammlung auf!!Bild
Ich fahre gemütlich!!!
Heizen tue ich nur im Winter!!!

Zurück zu „lustiges, unterhaltsames und kurzweiliges“

Wer ist online?

Mitglieder in diesem Forum: 0 Mitglieder und 1 Gast