Dr Dätscht mr

alles was zur allgemeinen Unterhaltung beiträgt
Antworten
Benutzeravatar
H-babe
Beiträge: 3486
Registriert: 28.09.2007 9:44
Wohnort: Nürtingen

Dr Dätscht mr

Beitrag von H-babe » 22.04.2013 9:38


Mei Nochber hot zor Ruah sich gsetzt
ond ghört au zo de rentner jetzt.
Sai Lebtag isch´r fleißig gwäa,
drom wird´s au gar koin Menscha gäa,
wo´s deem Ma net gönne dät,
wenn ganz g´mütlich er ond g´städt
en dr gegend romspaziert
oder de nuie Wei probiert.

Kommt nach sóme Zeitvertreib
er hoim na wieder zu seim Weib
empfangt se ehn an dr Glastür glei,
mit ihrer ganze LItanei,
was älles er no mache sott.

Zu was hosch denn en Ma, bei Gott?
Se macht a freundliches Gsichtle na,
ond was se secht, hört sich soo a:
"Dätscht mr gschwend en Keller ganga
ond a paar Kartoffla langa?
Dätscht mr schnell en Lada schprenga
ond a Büschele Schnittlauch brenga?
Dätscht mr noach dr Glasflamm gucka?
Dätscht mr de Schpatzatoig durchdrucka?
Dätscht mr gschwend Matratza draha?
Bloß sechs Schtuck, des isch glei gscheha!
Dätscht mr meine Böda blocka?
Dätsdcht mr d Wäsch rei, se isch trocka!
Dätscht mr se glei helfa schtrecka?
Dätscht mr den Kucha do zom Bäcka?
Dätscht mr gschwend die Küchetüera
mit a bissle Fett eischmiera?"

I ka des G´raunze nemme höra!
"Dätscht mr net gschwend d´Gasse kehra?
Dätscht mr Kohla rauf, drei Füller bloß?
Dätscht mr Schpechala mache, ja net z´groß?
Dätscht mr dees und dätscht mr sell?
Vergiß mr aber ja nix, gell!"

Mai Nochber duet´s ond bruddelt net.
Wenn i no au en "Dätscht mr " hätt!
Ich fahre gemütlich!!!
Heizen tue ich nur im Winter!!!

Antworten