D Sofie isch a weng a Schlampl,
d´Hoor hanged rom, des ischd a args Gebambel,
au isch se arg en d´Broide ganga,
bei zeah Kender bleibt halt ebbes hanga.
Do trifft se d´ Klara rank ond schlank,
en dr Schual send se gsessa en dr gleicha Bank.
"Ja Klara, sag amol, bischd au mol hiea,
schwätz, wie goht´s denn dia?"
"Mir goht´s guat, hau koine Sorga,
gnuag geld, i brauch nix borga.
I hau en guada Ma,
so dass i gligglich leaba ka."
"Hoschd au Kender? I hau zeah,
do kas oim jo edd b´sonders geah."
" I hau blos ois, des ischd a Bua,
der isch jetzt zwölf, seitdem isch Ruah."
"Ja sag," frogt d´Sofie ond hot glacht,
"wia hent ihr des au älles g´macht?
Bei mir kommt halt faschd jedes Johr ois,
höschd selta dr´zwischanei mol kois."
"Mai Maa ischd do sehr rücksichtsvoll,
i wois edd, wia dr´s saga soll.
Bevor er fangt em Bett was a,
ziagt´r en ieberzieher a."
"Ach so ischd des, jetzt isch mrs klar
was d´Schuld an der Misere war.
Worom voll Kender ischd mei Haus,
mei Dackel ziagt sich emmer aus!"
D´r Onderschied
D´r Onderschied
Ich fahre gemütlich!!!
Heizen tue ich nur im Winter!!!
Heizen tue ich nur im Winter!!!