Seite 1 von 1

Schwäbische Weihnachtsgeschichte

Verfasst: 20.12.2016 9:17
von H-babe
Schwäbische Weihnachtsgeschichte

Also, des isch dazumal passiert:
Dr Kaiser Auguschtus hot da Befehl rausgea, dass de ganz Welt gschätzt wera miast.
Des ischd´s erschte Mol gwea, dass mr so a Schätzong gmacht hot ond des ischd passiert, mo dr Quirinius Stadthalter gwea ischd en Syria dronta.
ond älle send ganga zom Schätza, a jeder en sai Hoimatstadt
au dr Josef ischd von dr Stadt Nazareth en Galiläa nufganga nach Judäa uf Bethlehem, en d Stadt vom David, weil r aus em Haus vom david komme ischd ond zu soim Gschlecht gheart hot
zom sich mit seiner Braut, dr Maria, schätza lassa, ond dui ischd en andere Omständ gwea
Mo se sell gwea send, ischd ihr Zeit komma, dfass se hätt niederkomma solla
ond se hot ihra erschte Soh kriagt ond hot an en Wendla eigwickelt ond en a Fuaderkripp naiglegt, weil se en dr Herberg sonscht koi Plätzle gfonda hent.
ond Hiarta send en sellera Gegend uf de Felder gwea ond hent Nachtwachghalta bei ihre Herda
zo dene ischd a Engel vom Herrgott naganga ond dr Lichtglanz vom Herrgott hot om se gstrahlt ond se hent ganz arga Angscht kriagt
ond dr Engel hot zo nen gsait:"Hent no koi Angscht et! Weil guckat no, i han eich ebbes ganz Wichtigs zom saga: a riesa Fraid fürs ganze Volk; eich ischd hait nämlich dr Heiland bora, des ischd dr Christus, dr herr, driba en dr Stadt vom David
ond do kennat r n dra: r fendat a Kendle, eigwickelt en Wendla ond des leit en ra Fuaderkripp."
ond uffamol send bei dem Engel d Menge hemmlische Heerschara gwea, dia hent a Lobliad uf de Herrgott gsonga ond gsait: Em Herrgott sei Ehr ond Frieda bei dene Menscha. an dene mo dr Herrgott a Wohlgfalla hot.
Mo no dia Engel wieder von en ond nauf en da Hemmel gfahra gwea send, no hent dia Hirta zoanander gsait: "Auf goht´s! Nom nach Bethlehem, dui Sach´guckat mr o, mo do passiert ischd ond mo ons dr herrgott hot wissa lau."
ond se sent anandernach ganga ond hent d Maria ond da Josef gfonda ond des Kendle ischd en dera Kripp drenglega
Mo se des gsea hent, hent se iaberall romvrzählt, was en iaber des Kendle gsaid worra isch
ond älle, mo des gheart hent, hent sich gwonderat iaber des, was en dia Hirta vrzählt hent.
D Maria hot sich des älles gmerkt ond em ihra Herza dren bwegt
ond dia Hirta send wieder zrückganga ond hent uf dr Herrgott a Lobliad gsonga für älles, was se hent höra ond seha derfa, wian en s gsaid wora ischd."

Re: Schwäbische Weihnachtsgeschichte

Verfasst: 21.12.2016 13:49
von Oberguru Siggi
Hallo Undine,

KLASSE!
Vielen Dank.

LG,
Siggi

Re: Schwäbische Weihnachtsgeschichte

Verfasst: 21.12.2016 20:32
von Lehry
Des isch abbr schee. Wo hasch'n des her?

Viele Griaß aus Nordhausa un scheene Weihnachda.

Re: Schwäbische Weihnachtsgeschichte

Verfasst: 22.12.2016 12:32
von H-babe
Lehry hat geschrieben:Des isch abbr schee. Wo hasch'n des her?

Viele Griaß aus Nordhausa un scheene Weihnachda.
...aus einem meiner Ordner
:D :D :D

Re: Schwäbische Weihnachtsgeschichte

Verfasst: 28.12.2016 21:41
von Bandenchef wega
liebe Undine,
wie viel Ordner hasch denn du?????


isch oifach supperr unsere Undine

Re: Schwäbische Weihnachtsgeschichte

Verfasst: 29.12.2016 11:05
von H-babe
Bandenchef wega hat geschrieben:liebe Undine,
wie viel Ordner hasch denn du?????


isch oifach supperr unsere Undine

Ha no, mindeschtens, wenn net no mee

:lol: :lol: :lol: