Achja, mr kennet ( können ) au französisch

alles was zur allgemeinen Unterhaltung beiträgt
Antworten
Benutzeravatar
H-babe
Beiträge: 3486
Registriert: 28.09.2007 9:44
Wohnort: Nürtingen

Achja, mr kennet ( können ) au französisch

Beitrag von H-babe » 12.05.2012 12:30

Grüß Gott, ihr Dama ond Herra!

Wenn i dra denk, dass dia ganz Bagasch des em Forum liast, wird mrs ganz blümerant. Aber i komm net so schnell end Bredoullie, mir Schwoba hend halt Kurasch. Mr derf oifach net so etepetete sei, ond´s Plärra hilft au net weiter.
Also, i sitz ezt em Neglischee en meim Separee em Parterre, da kommt mei Katz rei, des Afaterribel, hopft ufs Plümoh von meim Kanabee, von dort uf mei Kommod, dappt au no ens Waschlavor nei ond beißt ganz ogeniert en mei Portmonee, des i emmer en meim Kabinettle liega han, isch ja au mei ganzes Salär dren.
Aber i han se gschasst. Jetzt saut dia onders Kanabee, schmeißt dort mein Bottschamber om ond fangt au glei a zom Flattiera ond Bussiera, reibt ihrn Dätz an meine Füaß ond schmeißt au no den Buddel Schampus om, den i heit morga aus m Sudderei gholt han.
I schrei: "Ezt isch aber Schluss mit dene Fisimatenta!" Da dreht se ihre Auga ganz malad zom Plafoh, dia Kanallie.
Aber ezt han i gnuag.
I dua mr a Korsasch a, dia macht a super Taille, a schees Schemisettle drüber mit ma großa Dekoltee ond gang zom Frisör.
Ond henderher mach i no a Visit bei meiner Bussasch, dort gibts an Muckefuck ond Croissants mit Breschtlingsgsälz. Des wird a Pläsier!
Adjee!
Ich fahre gemütlich!!!
Heizen tue ich nur im Winter!!!

Antworten