Am letschta Schultag isch d´ Klass länger bliebe,
do hent se ihre Wunschzettel g´schriebe.
Ganze Böga Papier verswchmiert
ond ans "Fräulein Christkindle" adressiert.
Ao dr kloi Karle vom Schneider Kraft
ischt endlich fertig - jetzt hot er´s g´schafft.
damit´s koi Verwechslung gebe ka,
liest er ganz schnell nomol vor sich na.
"Liabs Chrischtkendle bring mir a Lederhos´
ond a dicke Pudding, wo zittert, mit Soß´,
vom Schwesterle soll i dir au glei saga,
dia wünscht sich en korbena Puppawaga,
ond fir d´Großbaba han i mr denkt,
a nuie Pfeif´, weil sei alte so schtenkt.
Dr Mama zom Sonndich a goldne Brosch
ond a nuis Leiterle fir onsern Frosch
ond em Baba a elektrische Eisabah´,
dass i mit dr meina alloi spiela ka.
No ischt onser Karle heimwärts ganga,
doch vor dr Tür hat ihn d´ Tante abg´fanga.
"Dass d´ endlich do bischt, Gott sei Dank,
dr Doktor ischt drin gwea, d´ Mama isch krank.
Laut sei derfet ihr hait fei net
sei, ziag´ die leis aus ond gang in dei Bett."
Still hat er g´folgt, sie hat´s Licht ausgeschaltet,
no hat er nomol seine Händle g´faltet.
"Liabs Chrischtkendle, morga kommt Poscht zu dir,
do ischt a Briafle dabei vo mir,
dees brauchscht em Pelzmärte net überreiche,
was i do g´schriebe han, kannscht älles streiche.
Em Ähne brauchscht koi nuie Pfeife schenke,
der ka mit dr alta weiterschtenke,
der Baba braucht au koi Eisabah´,
i guck´die mei sowieso jetzt net a.
I wensch´ mr bloß ois zum Weihnachtsfeschd:
Dass d ´Mama wieder g´sond werda läscht."
Wir wünschen allen
viel Gesundheit
und denen die auf dem Weg dorthin sind
gute Besserung!!!
Dr Wunschzettel ans Christkindle
Dr Wunschzettel ans Christkindle
Ich fahre gemütlich!!!
Heizen tue ich nur im Winter!!!
Heizen tue ich nur im Winter!!!