A schwache Stond
Verfasst: 09.04.2013 9:27
Du Mama fragt die kloi Kunigund
gang sag mr was isch des - a schwache Stond
D´Mama wird direkt a wenig rot
Aber Mädle was ällas en deim Kepfle romgoht
Was du doch net scho ällas wissa wit
Hör Mädle, do hosch no a Menge Zeit d´rmit!
Gang, frog dr Vadder nach solche Sacha -
du siehsch doch, i ben grad am Kuchabacha!
Du Vadder, so frogt glei druff dia kloi Kunigund,
gang, sag mr, was isch des - a schwacha Stond?
Dr Vadder isch grad beim Nachrichta höra
ond do drbei lässt er sich net gern störa
Ja, jetzt wird´s heiter, ja was send des au für Sacha
so an Dreikäsehoch - du bisch et ganz bacha.
Bisch hender de Ohra no et amol trocka,
Mädle, lass mir bloß en Ruah mit solchene Mucka
Hör amol, wenn du des so gnau wissa willscht heit,
no frogscht dr Großvadder, der hot de meischte Zeit!
Ond bald druff fragt se wieder, die kloi Kunigund:
Du Großvadder, was isch des - a schwacha Stond!
Dr Großvadder nickt bedächtig ond schwer,
woisch Mädle, des isch halt scho so ewig lang her.
Do isch scho viel wasser dr Necker na onderdessa.
A schwacha Stond? Kend, des han i vergessa.
Jetzt sag mir, worom willsch den des wissa heit?
Om des zom erfahra hosch doch no viel Zeit!
Eba net, Großvadder, ond i will´s dir au saga:
I han miaßa en Zwetschgakuacha zom Bäcker traga,
ond der hot gsait: Gugsch enra schwacha Stond amol vorbei,
do wird eira Zwetschgakuacha wohl bacha sei!
gang sag mr was isch des - a schwache Stond
D´Mama wird direkt a wenig rot
Aber Mädle was ällas en deim Kepfle romgoht
Was du doch net scho ällas wissa wit
Hör Mädle, do hosch no a Menge Zeit d´rmit!
Gang, frog dr Vadder nach solche Sacha -
du siehsch doch, i ben grad am Kuchabacha!
Du Vadder, so frogt glei druff dia kloi Kunigund,
gang, sag mr, was isch des - a schwacha Stond?
Dr Vadder isch grad beim Nachrichta höra
ond do drbei lässt er sich net gern störa
Ja, jetzt wird´s heiter, ja was send des au für Sacha
so an Dreikäsehoch - du bisch et ganz bacha.
Bisch hender de Ohra no et amol trocka,
Mädle, lass mir bloß en Ruah mit solchene Mucka
Hör amol, wenn du des so gnau wissa willscht heit,
no frogscht dr Großvadder, der hot de meischte Zeit!
Ond bald druff fragt se wieder, die kloi Kunigund:
Du Großvadder, was isch des - a schwacha Stond!
Dr Großvadder nickt bedächtig ond schwer,
woisch Mädle, des isch halt scho so ewig lang her.
Do isch scho viel wasser dr Necker na onderdessa.
A schwacha Stond? Kend, des han i vergessa.
Jetzt sag mir, worom willsch den des wissa heit?
Om des zom erfahra hosch doch no viel Zeit!
Eba net, Großvadder, ond i will´s dir au saga:
I han miaßa en Zwetschgakuacha zom Bäcker traga,
ond der hot gsait: Gugsch enra schwacha Stond amol vorbei,
do wird eira Zwetschgakuacha wohl bacha sei!
