Näckadich am Strand

[H-babe]

Neilich schpaziert do barfuaß am Schtrand
a jonger Ma alloi durch da Sand

´s isch bald Mittag ond d Sonne brennt heiß
er denkt: "Jetzt ens Wasser, des wär ebbes Fei´s!

Bled isch, i han koi Badhos drbei
- ach was, no schpreng i halt näckadich nei!"

Er guckt sich om ond hot sich scho g`freit,
vorna ond henta koi Mensch weit ond breit.

Schnell ziagt er sich aus, legt Kloider brav na,
hopft fröhlich ens Wasser, so schnell wia`r ka.

Weit schwemmt`r raus, verliert`s Land aus em Blick,
a halbe Schtond schpäter kommt`r no z`rick.

O Schreck, bei seine Kloider am Schtrand
hockt do uff oimol a Mädle em Sand!

Jetzt hot sich der Kerle zemlich scheniert,
so was, des isch em no gar nia bassiert.

Doch während sei`m Hin - ond - her - Überlega
liegt ebbes em Wasser, sei Fuaß schtoßt drgega.

A Kochhafa isch`s, den schnappt er sich schnell
ond hebt`n vorna na an sei peinliche Schtell.

No goht er naus mit sei`m Blech en dr Mitte,
er schlottert: "Sia, Freilein, Ent-, Ent-, Entschuldigung, bitte"-

"Bevor Sia" .- secht`s Mädle - "Ihr Zonga verrenkat.
saga Se gar nex, i woiß, was Sia denkat!"

Do hot er erschtaunt seine Auga uffg`rissa.
"Was i denk? Wia wellet Sia denn des wissa?"

"Ha no, des isch net schwer zom Verrota.
Sia denket doch sicher, der Topf hab`en Boda?!"

( Verfasser unbekannt )

[Gretzky]

Undine,
des muasch abbor fir dor Ralf ibersetza

[Ensi]

aber richtig glasse des Gedicht a groß Lob an dr Dichter

[Ralf der Lausbua]

Undine,
des muasch abbor fir dor Ralf ibersetza

genau so isset......

[H-babe]

Undine,
des muasch abbor fir dor Ralf ibersetza

genau so isset......

...darfst mich mal gern haben


...noch mehr Arbeit

...wer´s net versteht - soll´s lassa


...ich hab´ WE

[Bandenchef wega]

Undine,
des muasch abbor fir dor Ralf ibersetza

genau so isset......

...darfst mich mal gern haben


...noch mehr Arbeit

...wer´s net versteht - soll´s lassa


...ich hab´ WE

Liebe Undine,

dät i au ed