Dr Pfarrer - Gedicht

alles was zur allgemeinen Unterhaltung beiträgt
Antworten
Benutzeravatar
H-babe
Beiträge: 3486
Registriert: 28.09.2007 9:44
Wohnort: Nürtingen

Dr Pfarrer - Gedicht

Beitrag von H-babe » 25.03.2017 10:06

Es war amol em Ort a Bauer,
von deam hent se gsait,
sell wär a Schlauer,
g´schnitzt aus guatem alta Holz,
ond do druff war der Bauer stolz.

Er galt au, ond des sag i eich,
scho selligs mol als ziemlich reich,
obwohl´s, wie ich erfahren hab,
no koine Bauplätz zom verkaufa gab.

Hot domols scho uf´d Gsondheit g´achtet
ond deshalb au bloß hausg´schlachtet.
Des war no, wia sich´s denka lässt,
für älle em Haus a graußes Fest.
ond´s ällerbeschte Stück vom Schwein
legt g´pökelt ma in d´ Lauge ein
ond hängt, so isch´s no heit der Brauch,
den Schenka a Zeit lang in da Rauch.

Als der Bauer ihn hot außra gnomma,
isch der Pfarrer zom Besuacha komma.
Ob zufällig oder halt bloß so,
des stoht leider nirgendwo.
Der Bauer sait no voller Stolz:
"Hochwürda, i frog sia, ja was soll´s.
Sia send doch so a frommer Mo,
schneidat halt sia den Schinka o."

Der Geistliche fühlt sich geehrt
ond dass er ja nex mecht verkehrt,
frogt er den guata Bauramo:
" Wo schneidat ma da Schinka o ?"

" Ach", sait der Bauer, "prinzipiell
isch´s egal, an welchra Stell."
"Guat", sait dr Pfarr ond verkneift sich´s Lacha,
" no wird ih´s dr hoim em Pfarrhaus macha."


Schönes WE
Ich fahre gemütlich!!!
Heizen tue ich nur im Winter!!!

Benutzeravatar
Gretzky
Beiträge: 3273
Registriert: 23.07.2006 22:28
Wohnort: 74392 Freudental

Re: Dr Pfarrer - Gedicht

Beitrag von Gretzky » 27.03.2017 16:34

:) :) :)
Träume nicht dein Leben - lebe deine Träume!

Antworten