Spätzlesgedicht

[H-babe]

Spätzle schabe, Spätzle schärre –
D´ Baura möget´s ond au d´ Herre.
Eier, Wasser, Salz und Mehl,
machet Spätzle guet und geel.
G´röstet ond au en dr Brieh,
liebe Leut, so mog mr´s hie´!

Spätzle schabe, Spätzle schärre
( koine groaße, wüaschte Flärre! )
Mueß ma könne beide Schwabe;
Dazu hend mr g´schickte Dobe ( Finger ).
Wenn a Mädle des net ka,
kriagt se au koin rechta Ma.

Spätzle schabe, Spätzle schärre
Dazue ghöret bsondere Gabe.
Dicke, dünne, grobe, feine,
lange, kurze, große, kleine
mueß ma richtig schabe könne!
Bloß so kam a d´ Mannsleut gwenna!

Spätzle schabe, Spätzle schärre
Oh, wie kam r sich dra labe!
Wie die rutschet über d´ Zong!
Wie die schmecket Alt und Jung!
Ond dr Ma sait, oh, liebs Schätzle,
i mog di ond deine Spätzle!

[Maddin]

Einfach suuuuper

[Bandenchef wega]

liebe undine, wo du recht hast hast du recht.
liebe grüße

[H-babe]

liebe undine, wo du recht hast hast du recht.
liebe grüße

...weiß ich - D A N K E