wo´s Lacha et verputza ka,
hot amol a Ausnahm gmacht
ond hot de graischte Schockr glacht.
Er frogt heit über d´biblisch´Gschicht,
vom Adam bis zom Jengschta Gricht.
Au über d´Schwefelreagnerei
ond wias am Herrgott ganga sei.
Druff über´s Gwissa, des oin plogt,
halt über älles hot er gfrogt
ond des net gnuag - noi - hentadrei
fällt am au no´s Bätta ei.
Drnoch kommt´s Hannesle an d´Reih,
des isch oiner vo den letschte zwoi.
Was er gau macht, so frogt er en glei,
wenn jetzt am zwölfe d´Schual aus sei?
"No gang i hoim ond sitz an Tisch
ond wart bis ´s Essa fertig isch."
"Ja", frogt dr Lehrer, "hosch vergessa,
was jeder doa soll vor am Essa?
Mr denkt doch an da liaba Gott
ond net bloß, dass mr essa sott!"
"Vom laba Gott, sell woiß i gnau,
do schwätzt mei Vatter emmer au,
bloß derf i ällemol nix saga,
sonscht tät mi d´Muater recht verschlaga."
"Ha", frogt dr Lehrer, "sapperlott,
was sait er denn vom liaba Gott?"
"Er sait halt ällemol beim Essa:
du liaber Gott - isch des a Fressa!"
ohne Übersetzung 
)