Der Baum vom letzten Jahr

[H-babe]

Jetzt isch Weihnacht hechschde Zeit,
dass der Weihnachtsschmuck bereit!
"Gau nuff uff d´Behne, do wirscht en scho fenda",
sait Frau zu ihr´m Ma,
"em Schränkle ganz henda,
ber dr Oma ihr´m Hafa
glei vor em Gsälz
do stoht au dr Ständer.
Des wär no voll älls!"
Dr Ma goht nuff
suacht en jedra Bix,
aber dr Schmuck ond dr Ständer
send fort, er fendt nix!
Sai Frau isch leicht narret
se hot doch koi Zeit
Se muaß de guat Stub´ no nausbutza heit!
Se goht selbscht uff d´Behne
suacht en de henterschde Ecka
Donder nomol - wiea kama au
s´ Zeig so verstecka!
Halt wega em Hans,
dass er ans Chrischtkendle glaubt.
Au wenn era´s Suacha dr verstand fascht raubt!
Se suachat zu zwoit en dr Sitzbadwanna,
en dr Kuche bei de gußeisne Milchhäfaleskanne!
Em Keller, em Garda ond selbscht uff em Klo,
aber dr Weihnachtsschmuck ischt halt et do!
Henterm Fernseher ond onder dem Kanapee.
So langsam duat ehna´s Kreiz schau weh!
"Jetzt fällt mer ei", sagt sei Frau,"onder dr Oma ihr´m Bett!"
Falscher Alarm! Au do isch er net.
Sei Frau gibt auf:"Gang nei en d´Stadt,
guck ob´s no Lametta ond Kugla hot!
Breng au no a paar Engala mit
ond vergess jo dr Chrischtboomständer net!"
Jetzt goht se en d Stuba zom Hausputz nei,
do hört ma en erbärmlicha Schrei!!!"
Dürr ond kahl mit Engelshoor
stoht dr Baum vom letschta Johr
en dr guata Stuba do
dr ganze Weihnachtsschmuck no dro!

[Ramazotti]

des glaub ich awwer nett

[Bandenchef wega]

des glaub ich awwer nett

Lieber Ramazotti,

wer weis??????

LG

[Gretzky]

Stimmt - früher wurde die "gute Stube" ja nur zu besonderen Gelegenheiten benutzt.
In dieser Fam. wurde wahrscheinlich weder Geburtstag noch sonst was gefeiert - außer Weihnachten. Dann könnt es stimmen

[Ramazotti]

....jetzt weiß ich wo der Spruch von didi herkommt ..: Armut darf man sehen ...ihr habt recht aber sowas kann ich als Badener ja auch nicht gleich auf Anhieb verstehen ...
@ All
rutscht alle gut rüber